Wayang Wong : Gabungan antara Tari, Drama, lan Musik


Ditulis déning: Nailah Aieola Nabihah | 25 | XI-1

Wayang wong kuwi salah siji jinis wayang tradisional saka Indonesia sing asalé saka tanah Jawa, utamané Jawa Tengah. Bentené karo wayang liya sing nganggo boneka saka kulit utawa kayu, wayang wong ditampilaké déning klompok penari sing nganggo riasan lan kostum khusus, diiringi musik tradisional Jawa kaya gamelan. Para penari mau nampilaké crita-crita Ramayana lan Mahabharata sing kebak piwulang moral.

Wayang Wong : Gabungan antara Tari, Drama, lan Musik
Wayang Wong : Gabungan antara Tari, Drama, lan Musik (Sumber foto : RRI.co.id)

Miturut situs Indonesia Kaya, wayang wong kuwi wis ana saka jaman mbiyèn. Prasasti Balitung (907 M) lan Prasasti Wimalasmara (930 M) dadi bukti yèn kesenian iki wis ditampilaké wiwit jaman Mataram Kuna. Sabanjuré, wayang wong nyebar menyang kraton-kraton anyar ing Jawa Timur, klebu Kraton Majapahit. Wayang wong banjur urip manèh amarga ana dhukungan saka Keraton Surakarta lan Yogyakarta.

Saben pemain ing pagelaran wayang wong nduwèni peran dhéwé-dhéwé. Wong-wong kuwi nganggo kostum lan topeng kanggo nggambaraké karakteré. Kostum lan rai para pemain biasané dihias lan digambar mirip kaya wayang kulit. Para pemain wayang wong banjur nampilaké drama nganggo dialog wujud tembang utawa nyanyian Jawa, lan diseloni tarian kolosal utawa individu saben entèk crita.

Wayang Wong : Gabungan antara Tari, Drama, lan Musik
(Sumber foto : kratonjogja.id)

Ing critané, asring ana tokoh Punakawan sing nggambaraké rakyat biasa utawa abdi dalem. Tokoh Punakawan kuwi ya iku Semar, Petruk, Gareng, lan Bagong sing nduwèni tugas ngendhogaké suasana. Wong-wong nonton biasané seneng nunggu munculé Punakawan merga tingkahé lucu lan nyenengaké.

Sanajan wayang iki ditampilaké déning manungsa langsung, pagelaran wayang wong tetep nduwèni dalang sing nduwèni tugas ngatur alur crita lan mimpin musik.

Crita-crita sing ditampilaké ora mung kanggo hiburan, nanging ya kanggo ngenalaké mitologi jaman mbiyèn lan nyampèkaké piwulang moral sing ana. Kanthi mangkono, masyarakat, utamané para mudha saiki, isa sinau bab kabudayan, kesenian, lan mitologi khas Indonesia liwat pagelaran kuwi.

Warga Kutha Semarang lan sakupengé isa nonton pagelaran saka grup wayang wong sing isih aktif tekan saiki ing Taman Budaya Raden Saleh (TBRS) Semarang, pasé ing Gedung Kesenian Ki Narto Sabdo. Lokasiné ana ing Jalan Sriwijaya No 29, Tegalsari, Semarang.

Grup Wayang Wong Ngesti Pandowo iki wis ana wiwit taun 1937. Grup iki wiwit manggung ing Semarang taun 1950 ing gedhong GRIS, sing saiki dadi Mal Paragon. Grup wayang wong iki wis umur 88 taun lan isih aktif nganti saiki. Hebat, ta?

Pagelaran Wayang Wong Ngesti Pandawa ditampilaké saben dina Setu, wiwit jam 20.00 WIB. Crita sing saiki dipentasaké yaiku Rahwana Gugur lan Bagong Dadi Dewa.

Saiki kita kabeh mesthi lestarèkaké kabudayan lan kesenian Jawa. Ayo nonton Wayang Wong Ngesti Pandowo ing Semarang!


Sumber informasi: 

https://indonesiakaya.com/pustaka-indonesia/wayang-orang/

https://desatepus.gunungkidulkab.go.id/first/artikel/3273-Wayang-Wong---Warisan-Budaya-Tontonan-Mengandung-Tuntunan

https://id.wikipedia.org/wiki/Wayang_wong

Komentar

Posting Komentar

Postingan populer dari blog ini

mitoni

Gambar
 Mitoni: Warisan Budaya Pitung Wulan ing Adat Jawa Dening : Chaela Fitri A. | 08 | Xi.1 Mitoni utawi pitung wulan minangka salah sawijining tradhisi ing budaya Jawa, kang lumaku nalika kandhutan wis ngancik yuswa pitung wulan. Tembung mitoni asalé saka tembung pitu, kang tegesé pitu (tujuh) , nuduhaké yuswa kandhutan nalika jabang bayi wiwit katon pratandha gesang sing luwih cetha. Tujuan utama saka tradhisi mitoni yaiku nyuwun pangayoman marang Gusti Kang Maha Kuwasa supados ibu lan jabang bayi tansah pinaringan kaslametan lan kelancaran nganti wekdal nglairaké. Salajengipun, mitoni ugi minangka momen kang nggayutaké sedaya kulawarga kanggo nglantaraké donga bebrayan kang becik tumrap bayi kang bakal miyos. Rangkaian Acara Mitoni: 1. Siraman Prosesi siraman dilakokaké kanthi nyiramaké banyu setaman (banyu campuran kembang melati, mawar, kenanga, lsp.) kaping pitu. Siraman nggambaraké pangresikan jasmani lan rohani. 2. Gantos Busana Pitu Ibu kang mbobot dipun-gantos busanané nganti...
Baca selengkapnya

sintren

Gambar
                SINTREN                                  dening: Tsaqifa Firya Autsaq Kata "sintrèn" berasal dari dua suku kata dalam bahasa Jawa, yaitu "si" ungkapan panggilan yang berarti dia, dan “tren” berasal dari kata tri atau putri. Jadi, sintren memiliki arti si putri, yang dalam konteks tarian merujuk pada si penari. Selain itu, nama "sintren" juga diambil dari kata "sindir" dan "tetarèn", yang berarti menyindir suatu pihak melalui tari-tarian. SEJARAH Kesenian Sintren berasal dari kisah Sulandono sebagai putra Ki Bahurekso Bupati Kendal yang pertama, hasil perkawinannya dengan Dewi Rantamsari yang dijuluki Dewi Lanjar. Raden Sulandono memadu kasih dengan Sulasih seorang putri dari Desa Kalisalak, namun hubungan asmara tersebut tidak mendapat restu dari Ki Bahurekso, akhirnya R. Sulandono pergi bertapa dan Sulasih memilih menjadi penari. Perte...
Baca selengkapnya